Birja

Banklar Mərkəzi Bankın notları üçün - "NOVBƏYƏ DAYANIBLAR"

Banklar Mərkəzi Bankın notları üçün - "NOVBƏYƏ DAYANIBLAR" | FED.az
15:36 1 İyul 2020

Bakı Fond Birjasında (BFB) Azərbaycan Mərkəzi Bankının (AMB) 50100183S dövlət qeydiyyat nömrəli, 200 mln. manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.

FED.az xəbər verir ki, BFB-dən verilən məlumata görə, AMB-də istiqrazların yerləşdirilməsi üzrə keçirilən hərrac zamanı 13 investor tərəfindən qiymət 99,4966 manat (6,51%) 21 sifariş təqdim edilib. Sifarişlərin nominal qiymətlə ümumi məbləği 525 941 500 manat olub.

AMB-nin qərarına əsasən, notların kəsmə qiyməti 99,4966 manat (6,51%), orta ölçülmüş qiyməti 99,4966 manat (6,51%) müəyyən edilib. Hərrac nəticəsində notların yerləşdirilmiş həcmi 200 mln. manat təşkil edib.

Notların ödəmə tarixi 29 iyul 2020-ci ildir. (Apa)

Digər xəbərlər

Banner