Dövlət

Milli Məclisdə ilk dəfə - VİDEOKONFRANS KEÇİRİLDİ

Milli Məclisdə ilk dəfə - VİDEOKONFRANS KEÇİRİLDİ | FED.az
14:29 29 Mart 2020

Milli Məclis Sədrinin təşəbbüsü ilə ölkəmizdə koronovirus infeksiyasının yayılmasına qarşı görülən sistemli tədbirlərin tərkib hissəsi kimi parlamentdə bu sahədə məqsədyönlü işlər aparılır.

Eləcə də bax: Milli Məclisin iclasları internetlə keçiriləcək - İLK DƏFƏ

FED.az xəbər verir ki, bu barədə Milli Məclisin Mətbuat Xidmətindən məlumat verilib.

Bildirilib ki, parlamentdə idarəetmə artıq stasionar, mobil və internet rabitələri vasitəsi ilə həyata keçirilir. Milli Məclis rəhbərliyi ilə komitə və komissiyaların rəhbərləri, parlamentdə təmsil olunan siyasi partiyaların liderləri, habelə parlament aparatının və işlər idarəsinin məsul vəzifəli şəxsləri arasında informasıya mübadiləsi internet üzərindən uğurla həyata keçirilir.

Bu gün - martın 29-da Milli Məclisin rəhbərliyi ilə komitə sədrlərinin internet üzərindən ilk dəfə olaraq videokonfransı keçirilib. Videokonfransda martın 30-da keçiriləcək plenar iclasın gündəliyi və cari məsələlər müzakirə olunub, geniş fikir mübadiləsi aparılıb. 

Digər xəbərlər