Dövlət

Namizədlərin pullu reklamı - YALNIZ İTV-DƏ OLACAQ

Namizədlərin pullu reklamı - YALNIZ İTV-DƏ OLACAQ | FED.az
16:31 9 Yan 2020

Milli Məclisə seçkilərdə deputatlığa namizədlərin ödənişli seçkiqabağı təşviqatına qoşulan KİV-lərin siyahısı açıqlanıb.

Eləcə də bax: Deputatlığa namizədlər seçkidə bundan artıq pul - XƏRCLƏYƏ BİLMƏZLƏR - MƏBLƏĞ

FED.az xəbər verir ki, siyahıda televiziya kanallarından yalnız İctimai Televiziya və Radio Yayımları Şirkətinin (İTV) adı yer alıb.

Milli Məclisə seçkilərdə ödənişli seçkiqabağı təşviqat aparılması üçün İTV-nin efirində deputatlığa qeydə alınan namizədlərin və ya onların səlahiyyətli nümayəndələrinin çıxışının bir saniyəsi minimum 22 manat, bir saniyə efir vaxtının maksimum qiyməti isə 65 manatdır.

İctimai radioda isə bir saniyəsi minimum 7 manat, bir saniyə efir vaxtının maksimum qiyməti isə 25 manatdır.

Efir vaxtlarının qiymətləri həftənin günləri və saat fərqlərinə görə dəyişir.

Qeyd edək ki, Milli Məclisə fevralın 9-da keçiriləcək növbədənkənar seçkilərdə ödənişli seçkiqabağı təşviqat kampaniyası yanvarın 17-də başlayacaq və fevralın 8-si saat 08:00-da başa çatacaq.

Report

Digər xəbərlər

Banner