İKT

"Apple"ın notbuklarına məhdudiyyətlər artır

"Apple"ın notbuklarına məhdudiyyətlər artır | FED.az
16:32 28 Avqust 2019

"Apple Macbook Pro" kompüterlərinə tətbiq edilən uçuş məhdudiyyətləri artır. Buna səbəb "Macbook Pro"nun bəzi modellərində batareyanın qızaraq alovlanmasıdır. 

Ötən Çərşənbə günü Qantas Hava Yolları verdiyi açıqlamada, "Apple Macbook Pro"ların bütün 15 düyümlük modellərinin əl baqajı içərisində kabinədə bağlı bir şəkildə daşınmasına icazə veriləcəyini açıqlayıb. Çərşənbə günündən etibarən bu qayda qüvvəyə minib. 

FED.az xəbər verir ki, rəqib şirkət "Virgin Australia Holdings Ltd." isə 26 Avqustda daha da irəli gedərək bütün "Apple" notbuklarının baqajda daşınmasını qadağan edib.Avstraliyanın ən böyük iki hava yolu şirkəti, öz-özünə yanma narahatlığından görə, kompyuterləri qadağan edən və getdikcə sayı artan şirkətlər siyahısına qoşulub.

2015 Sentyabr  -  2017 Fevral tarixləri arası istehsal olunan 15 düyümlük "Macbook Pro" modelləri araşdırılır. "Apple", İyun ayında "məhdud sayda 15 düyümlük "Macbook Pro"ların köhnə modellərində batareyanın çox isinib yana biləcəyi" riskinə görə məhsullarını geri çağırmışdı.

"Singapur Airlines Ltd." və "Thai Airways International PCL" də sərnişinlərin bu modellər ilə təyyarəyə daxil olmalarını dayandırıb.

Bu ayın əvvəlində ABŞ Federal Aviasiya İdarəsi (FAA) "Apple"ın geri çağırmasının aparıcı aviaşirkətləri hərəkətə keçirdiyini bildirib. FAA, hava yolu şirkətlərinə, 2016-da geri çağırılan məhsullara qarşı təhlükəsizlik tapşırıqlarını yerinə yetirmələrini, başqa sözlə, problemli "Apple" məhsullarının baqaja və ya kabin baqajına daxil olmasına icazə verməmələrinin lazım olduğunu xatırladıb.

Avropa İttifaqı Aviasiya Təhlükəsizlik Komissiyası da 1 Avqustda öz xəbərdarlığını edib. 

Təyyarələrin sərnişin şöbəsində telefon, kompyuter və digər avadanlıqların ifrat isinib alovlanması hadisələri görülməsinə baxmayaraq, bu vaxta qədər heç bir yanğın nəzarətdən çıxmayıb.

Marja.az

Digər xəbərlər