İKT

“Whatsapp Business”ə yeni faydalı - FUNKSİYA ƏLAVƏ EDİLDİ

“Whatsapp Business”ə yeni faydalı - FUNKSİYA ƏLAVƏ EDİLDİ | FED.az
17:02 9 Noy 2019

“Whatsapp Business” tətbiqi messencerlər bazarının artıq kiçik bir hissəsini özünə cəlb edib. “Facebook” şirkətinin verdiyi məlumata əsasən bu tətbiq artıq 5 milyon korporativ müştəriyə sahibdir.

FED.az "banker.az"-a istinadən xəbər verir ki, bir neçə müddət bundan öncə tərtibatçılar “Whatsapp Business”ə faydalı bir funksiya əlavə etdilər. Söhbət, kataloqlar adlı funksiyadan gedir. Bu barədə Techcrunch saytı xəbər verib. Beləliklə kataloqlar funksiyası nədir?

Eləcə də bax: “Whatsapp”dan yeni funksiya

Kataloqlar bir növ messencer daxilindəki məhsul vitrinlərini xatırladır. Belə ki, bu funksiya vasitəsilə satıcılar hansısa bir məhsulun fotosunu, qiymətini və məhsul barəsində məlumatı əks etdirən kartları messencer daxilinə əlavə edə bilirlər. Kataloqdan olan bu kartları satıcı həmçinin özəl mesaj vasitəsilə müştəriyə də göndərə bilir. Bu halda müştəri ilə satıcı arasındakı qarşılıqlı əlaqə daha da rahat olur.

Alıcı hansısa məhsul barəsində sual verə, satıcı isə alıcını maraqlandıran hansısa digər bir məhsulu rahat şəkildə təqdim edə bilər. Sözügedən yeni funksiya artıq tətbiqin Android və iOS versiyasına əlavə edilib. Kataloqlar funksiyası ilk öncə Braziliya, Almaniya, Hindistan, İndoneziya, Meksika, ABŞ və İngiltərə istifadəçiləri üçün aktivdir. Yeni funksiyanın digər ölkələrin istifadəçiləri üçün nə zaman aktiv ediləcəyi barəsində bir məlumat yoxdur.

Digər xəbərlər