İnşaat və əmlak

Azərbaycanda "kupça"lar birbaşa evə gətiriləcək - YENİLİK

Azərbaycanda "kupça"lar birbaşa evə gətiriləcək - YENİLİK | FED.az
09:24 22 Aprel 2020

Koronavirus (COVID-19) pandemiyası ilə əlaqədar elan olunan xüsusi rejimli karantin dövründə vətəndaşlara mülkiyyətin dövlət qeydiyyatı ilə bağlı hazır sənədləri ünvanlarında təqdim olunacaq.

FED.az xəbər verir ki, İqtisadiyyat Nazirliyi yanında Əmlak Məsələləri Dövlət Xidmətindən verilən məlumata görə, çatdırılma xidməti ödənişsizdir.

Eləcə də bax: «Əmlakın qeydiyyatı davam edir, çalışın onlayn müraciət edin» - MÜSAHİBƏ

“Bununla bağlı, vətəndaşlar İqtisadiyyat Nazirliyi yanında Əmlak Məsələləri Dövlət Xidmətinin 193 Çağrı Mərkəzinə və Əmlak Xidmətləri Məkanının (012)-404-07-22 nömrəsinə müraciət edə bilərlər. Bununla da, həmin şəxslər heç bir yerə getmədən xüsusi rejimli karantin qaydalarına əməl etməklə səyyar qeydiyyat xidmətlərindən yararlana biləcəklər.

Vətəndaşlar müvafiq rüsum və sənədlərin hazırlanması üçün xidmət haqqını Hökumət Ödəniş Portalı (https://gpp.az) və ya ödəmə terminalları vasitəsilə həyata keçirə bilərlər”, - deyə məlumatda qeyd olunub. 

Digər xəbərlər