Banner

İnşaat və əmlak

Bakıda məşhur villaların satışı alınmadı – İCARƏYƏ VERİLİR - QİYMƏT

Bakıda məşhur villaların satışı alınmadı – İCARƏYƏ VERİLİR - QİYMƏT | FED.az
13:01 21 May 2020

«AS Group Investment» şirkəti Şağan qəsəbəsi inşa etdiyi lüks villaların satışını dayandırıb. 

Eləcə də bax: Bakıda 18 milyon manata - VİLLA SATILIR - FOTO

Şirkətdən FED.az-a bildirilib ki, villaların satışı dayandırılıb və bunan sonra onların icarəyə verilməsi planlaşdırılır. 

Qeyd edək ki, «AS Group Investment» Şağanda italyan üslubda tikilmiş 28 villanın 22-sini artıq bir neçə ildir ki, satmağa çalışırdı, amma bu cəhdlər uğursuz olub. FED.az-ın əldə etdiyi məlumataa görə, son iki ildir şirkət cəmi 2 villa sata bilib.  

Villaların qiyməti 1,2-1,6 milyon manat arasında dəyişirdi. Villalara maraq o qədər aşağı olmuşdu ki, şirkət villa alıcılarına özünün Yasamalda inşa etdiyi "Renessans Palace" yaşayış kompleksindən 1-2 otaqlı mənzil hədiyyə etməyə də hazır idi və bu barədə kampaniya başlamışdı. 

Son vaxtlar isə villaların qiyməti daha da yüksələrək 2,5 milyon manata yüksəlib. 

İndi isə "Villa Siena" villalar kompleksi ilə bağlı planlar dəyişib. «AS Group Investment»dən FED.az-a bildirilib ki, qiyməti 2,5 milyon manata yüksələn villaları satmaq yox, icarəyə vermək planlaşdırıdır. 

Hazırda villalarda təmir işləri getdiyi üçün satış üç gündür dayandırılıb. Villalar icarəyə tam təmirli, mebellə təchiz olunmuş formada veriləcək. Villaların icarə haqqı isə aylıq 15 000 manat, 1 illik 100 000 manatdır. 

Villalar 10-16 sot torpaqda yerləşir, onların sahəsi 620 kvadratmetrdən başlayır. Şəhərciyi xatırladan və sahəsi 4,6 hektar olan kompleksin ərazisi 24 saat yüksək səviyyəli mühafizə ilə təmin edilir. 

Digər xəbərlər

Banner