Banner

İnvestisiya

Avro, Funt və Lirə ucuzlaşa bilər - SON VƏZİYYƏT

Avro, Funt və Lirə ucuzlaşa bilər - SON VƏZİYYƏT | FED.az
09:06 3 May 2021

EUR. 

Almaniya iqtisadiyyatına dair fundamental göstəricilərin mənfi açıqlanması, Amerika fonunda nikbinliyin artması, EUR/USD məzənnəsinin yenidən təzyiq altında qalaraq, 1.21$-ın altında ticarət edilməsinə səbəb olub. 1.20$-ın qırılması ilə ucuzlaşma 1.18$-a kimi davam edə bilər. 

Bununla yanaşı, cümə günü Bakı vaxtı ilə saat 16:30-da ABŞ-ın əmək bazarı ilə bağlı dərc ediləcək statistik göstəricilər də önəmli rol oynayacaqdır. 

GBP. 

Cümə axşamı saat 15:00-da yayımlanacaq İngiltərə Bankının faiz qərarı öncəsi GBP/USD məzənnəsi də ucuzlaşır. Növbəti qırılması vacib dəstək səviyyəsi 1.38$-dır və bunun baş verməsi ilə platformalarda 1.37$-ın ticarət edildiyi müşahidə oluna bilər. 

TRY. 

Cümə axşamı TCMB də faiz qərarını açıqlayacaq. Proqnozlar dəyişikliyin olmayacağı istiqamətindədir. Bu, lirənin yenidən 8.48TL-yə kimi ucuzlaşmasına səbəb ola bilər. 

Bazar ertəsi saat 11:00-da yayımlanacaq məlumatlarda da inflyasiyanın 17.3%-ə kimi artmacağı ehtimal edilir. 

OIL. 

Foreks bazarlarında dolların dəyər qazanması, Brent neftinin 66$-a kimi korreksiyasına səbəb olub və proses 64$-a kimi dərinləşə bilər. 

Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 

Əlvan metallar bazarlarında isə 1764$-ın (56.7 $/qram) qırılması ilə korreksiya dəhlizinin 1737$-a (55.9 $/qram) kimi genişlənməsi proqnozlaşdırılır.

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

Banner
Banner

Digər xəbərlər