İqtisadiyyat

Azərbaycanda iqtisadi geriləmə - BİR QƏDƏR DƏ ARTDI – RƏQƏMLƏR  

Azərbaycanda iqtisadi geriləmə - BİR QƏDƏR DƏ ARTDI – RƏQƏMLƏR   | FED.az
12:31 13 Avq 2020

Dövlət Statistika Komitəsi (DSK) Azərbaycanda iqtisadi vəziyyətlə bağlı məlumatı açıqlayıb. 

Eləcə də bax: “Fitch”: Azərbaycanın icmal büdcəsinin kəsiri ÜDM-in 6,8%nə çatacaq

FED.az xəbər verir ki, 2020-ci ilin yanvar-iyul aylarında ölkədə 40 milyard 008,5 milyon manatlıq və ya əvvəlki ilin eyni dövrü ilə müqayisədə 2,8 faiz az Ümumi Daxili Məhsul istehsal olunub. İqtisadiyyatın qeyri neft-qaz sektorunda əlavə dəyər 1,6 faiz, neft-qaz sektorunda isə 4,5 faiz azalıb. 

Xatırladaq ki, bu ilin əvvəlindən etibarən Azərbaycanda 

Yanvarda 2,4% iqtisadi artım, 

Yanvar-fevral 2,8% iqtisadi artım, 

Yanvar-martda 1,1% iqtisadi artım, 

Yanvar-apreldə 0,2% iqtisadi artım 

Yanvar-mayda 1,7% iqtisadi geriləmə, 

Yanvar-iyunda 2,7% iqtisadi geriləmə, 

Yanvar-iyulda 2,8% iqtisadi geriləmə qeydə alınıb

ÜDM istehsalının 35,3 faizi sənaye, 11,2 faizi ticarət; nəqliyyat vasitələrinin təmiri, 7,5 faizi nəqliyyat və anbar təsərrüfatı, 7,1 faizi kənd təsərrüfatı, meşə təsərrüfatı və balıqçılıq, 6,3 faizi tikinti, 2,0 faizi informasiya və rabitə, 1,4 faizi turistlərin yerləşdirilməsi və ictimai iaşə sahələrinin, 19,0 faizi digər sahələrin payına düşmüş, məhsula və idxala xalis vergilər ÜDM-in 10,2 faizini təşkil edib. Əhalinin hər nəfərinə düşən ÜDM 4015,1 manata bərabər olub. 

 

Digər xəbərlər