Maliyyə

Avro və funtun bahalaşacağı - Proqnozlaşdırılır

Avro və funtun bahalaşacağı - Proqnozlaşdırılır | FED.az
10:23 21 Yan 2021

Beynəlxalq valyuta birjalarında Almaniya və İngiltərədən dərc edilən sürpriz inflyasiya göstəricilərindən sonra EUR/USD və GBP/USD məzənnələri yenidən dəstək görməkdədir. 

Təhlillərə əsasən, avro 1.2141 səviyyəsinin qırılması ilə 1.22$-a kimi bahalaşa bilər. Funtun isə 1.37$-ın qırılması ilə 1.38$-a kimi dəyər qazanacağı proqnozlaşdırılır. Enerji birjalarında Brent nefti də 56.26$-ın dəf edilməsi ilə növbəti maksimumlarını yeniləyərsə, bu, funtun qiymətinə də əlavə dəstək olacaqdır. 

Foreks bazarlarında dolların ucuzlaşması, əlvan metallar bazarlarında qızılın da dəyər qanamasına səbəb olur. 1881$-ın qırılması ilə bir unsiya üzrə qiymət 1915$-a kimi bahalaşa bilər. 

Bununla yanaşı, investorlar bu gün Bakı vaxtı ilə saat 17:30-da baş tutacaq Avropa Mərkəzi Bankının (AMB) mətbuat konfransını böyük maraqla gözləyirlər. Burada bank sədrinin gələcək proqnozları və siyasətinə dair açıqlamaları diqqət mərkəzində olacaqdır.

Türkiyə Mərkəzi Bankı (TCMB) da faiz qərarını dərc edəcək. Maliyyə bazarlarında siyasətdə dəyişiklik proqnozlaşdırılmasa da, sürpriz artım açıqlaması, lirənin bahalaşmasına səbəb ola bilər. 

USD/TRY məzənnəsi təqribən son bir aydır 7.50 - 7.30TL aralığında dalğalanmaqdadır və görünən odur ki, treyderlər TCMB-nin qərarı öncəsi mövqelərində tələsmək istəməyiblər. Texniki mənzərə 7.30 səviyyələrinin qırılması ilə ucuzlaşmanın orta müddətli perspektivdə 7TL səviyyələrinə kimi davam edəcəyini ehtimal etməyə əsas verir. 

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

Banner

Digər xəbərlər