Maliyyə

Dünya Bankı Azərbaycanda yol layihəsilə bağlı qərar verəcəyi tarixi - Dəyişdi

Dünya Bankı Azərbaycanda yol layihəsilə bağlı qərar verəcəyi tarixi - Dəyişdi | FED.az
12:21 7 May 2021

Dünya Bankının Direktorlar Şurasının Azərbaycanın yol layihəsinə ayıracağı krediti təsdiqləyəcəyi tarix dəyişdirilib.

Eləcə də bax: Dünya Bankı Azərbaycan üzrə növbəti layihəni - Təsdiqləyəcək

FED.az xəbər verir ki, bankdan əldə edilən məlumata görə, Direktorlar Şurası “Regional bağlantılarının inkişafı” adlı yeni yol layihəsinə mayın 20-də baxacaq.

Bundan öncə isə Dünya Bankının Azərbaycan üzrə ölkə meneceri Sara Maykl (Sarah Michael)  adıçəkilən layihə ilə bağlı qərarın mayın 25-də veriləcəyini qeyd etmişdi.

“Regional bağlantılarının inkişafı” lahiyəsinə ayrılacaq kreditin həcmi 65 milyon ABŞ dollarıdır.

Ümumi dəyəri 95,88 milyon ABŞ dolları olan layihənin məqsədi Salyan-Biləsuvar yolu boyu təhlükəsiz, səmərəli, iqlim dəyişkənliyinə qarşı dayanıqlı hərəkəti təmin etməkdir.

Layihə dörd komponentdən ibarətdir. “Nəqliyyat hərəkəti” adlı birinci komponentin dəyəri 59,24 milyon ABŞ dollarıdır, əsas alt komponent (55,63 milyon ABŞ dolları) adıçəkilən yolun 31,9-103,3 kilometrləri arasında bəzi hissələrinin ikinci dərəcə səviyyəsində bərpasını nəzərdə tutur.

2 milyon ABŞ dolları dəyərində “Yol sektorunun dayanıqlılığı” adlı ikinci komponent intellektual nəqliyyat sistemlərinin tətbiqilə yol idarəçiliyinin təkmilləşdirilməsini, yoldan istifadə etmə haqqının elektron formatda ödənişi üçün müvafiq infrastrukturun qurulmasına texniki yardım göstərilməsini nəzərdə tutur.

“Yerli inkişaf və logistika” adlı üçüncü komponentin başlıca tərkib hissəsi yolboyu logistika və bazar obyektlərinin inkişaf etdirilməsini, bunun üçün kiçik sərmayələr yatırılması üçün pilot layihələrinin tətbiqini əhatə edir.

Dördüncü komponent də layihənin idarəetmə məsələlərini əhatə edir.

Xatırladaq ki, Azərbaycan 1992-ci ildən Dünya Bankı ilə əməkdaşlıq edir. Bu dövr ərzində Bank Azərbaycanın reallaşdırdığı 50-dən artıq layihəyə 4 milyard ABŞ dolları civarında vəsait ayırırb. (Report)

Banner

Digər xəbərlər