Maliyyə

"Ağ Sənəd": Azərbaycanda kart fırıldaqçılığı ilə bağlı - Məlumatlar Açıqlanmalıdır

"Ağ Sənəd": Azərbaycanda kart fırıldaqçılığı ilə bağlı - Məlumatlar Açıqlanmalıdır | FED.az
11:12 14 İyun 2021

Hazırda kart fırıldaqçılığı, ödəmə kartları ilə icazəsiz əməliyyatlar və digər şübhəli kart əməliyyatları mərkəzləşdirilmiş monitorinqlə tənzimlənmir.

Xarici sahibkarlar Azərbaycanda – Bu Qanunların Və Qaydaların Dəyişməsini İstəyirlər - SİYAHI

FED.az xəbər verir ki, bu barədə Azərbaycanda Amerika Ticarət Palatası ("AmCham Azerbaijan") ölkə üzrə təqdim etdiyi "Ağ Sənəd"də deyilir.

Bildirilir ki, bu səbəbdən bazarda kart fırıldaqçılığı halları ilə bağlı rəsmi statistika olmamaqla yanaşı, banklar və digər bazar iştirakçıları üçün müvafiq məlumatların bildirilməsi, kart fırıldaqçılığı hallarının qarşısının alınması səylərinin koordinasiyası və hüquq-mühafizə orqanları ilə əməkdaşlıq üçün mərkəzi platforma yoxdur. Qeyd edilir ki, kart sahiblərinin sayı milyonlarla olduğundan kart fırıldaqçılığı təhdidi sosial önəm daşıyır.

Sadalanan problemlər bağlı sənəddə müvafiq tənzimləyici orqanlar kart fırıldaqçılığı hallarının, ödəmə kartları ilə icazəsiz əməliyyatlar və digər şübhəli əməliyyatların monitorinqi və qarşısının alınması ilə bağlı mərkəzi funksiyanın təşkilini nəzərdən keçirməsinin zəruri olduğu bildirilir.

Bundan əlavə, proqram təminatı həlləri daxil olmaqla qüvvədə olan qanun və normalarla bağlı dünyanın qabaqcıl təcrübələri nəzərə alınması tövsiyə olunur: "Emitent banklar və digər ödəmə kartı alıcıları monitorinq funksiyasının iştirakçıları olaraq istehlakçıların hüquqlarının müdafiəsini təmin etmək məqsədilə kart fırıldaqçılığı hallarının ciddi monitorinqi, müvafiq tənzimləyici tədbirlərin hesabatı ilə bağlı öhdəlik götürməlidir".

Xatırladaq ki, Azərbaycan Mərkəzi Bankının məlumatına görə, 2021-ci ilin mayına 1-nə ölkədə 9,898 mln. ədəd ödəniş kartı qeydə alınıb. Bu, illik ifadədə 22,7% çoxdur.(APA)

Banner

Digər xəbərlər