Nəqliyyat

AZAL: "Sərnişinlər biletləri - PULSUZ QAYTARA BİLƏRLƏR" - AÇIQLAMA

AZAL: "Sərnişinlər biletləri - PULSUZ QAYTARA BİLƏRLƏR" - AÇIQLAMA | FED.az
10:09 28 Yan 2020

Çindəki epidemioloji vəziyyət səbəbindən “Azərbaycan Hava Yolları”nın (AZAL) martın 28-i tarixinədək yerinə yetirilən reyslərinə aviabilet əldə etmiş sərnişinlər uçuş tarixlərini dəyişdirə və yaxud aviabiletləri cərimə olunmadan geri qaytara biləcəklər.

Eləcə də bax: Azərbaycan Çinə uçuşları - MÜVƏQQƏTİ DAYANDIRIR

FED.az xəbər verir ki, bu barədə AZAL-ın Mətbuat xidmətindən bildirilib.

Məlumata görə, aviabiletlərin geri qaytarılması üçün biletin alındığı kassaya müraciət edə, onlayn alındığı təqdirdə isə müştəri xidmətləri ilə [email protected] elektron poçt ünvanı və yaxud saytımızdakı əks əlaqə forması vasitəsilə əlaqə saxlamaq mümkündür: https://help.azal.az/hc/az/requests/new

Bununla yanaşı, hər il fevral ayında “Azərbaycan Hava Yolları” Bakı-Pekin-Bakı marşrutu üzrə reyslərin həyata keçirilməsini müvəqqəti olaraq dayandırır. Bu, qeyd olunan ölkədə bayramlarla əlaqədar tələbatın aşağı düşməsi ilə izah olunur. Beləliklə, əvvəlki illərdə olduğu kimi, fevral ayından Çinin paytaxtına reyslər dayandırılacaq və martın 8-dən etibarən yenidən fəaliyyətə başlayacaq.

 

Digər xəbərlər

Banner