Nəqliyyat

Bakı Nəqliyyat Agentliyi yumşalmaya hazırlaşır - TOPLANTI

Bakı Nəqliyyat Agentliyi yumşalmaya hazırlaşır - TOPLANTI | FED.az
15:57 3 Avq 2020

Bakı Nəqliyyat Agentliyi (BNA) karantin rejimində yumşalmaya hazırlaşır.

FED.az xəbər verir ki, bununla əlaqədar olaraq Agentlik avqustun 2-də daşıyıcı şirkətlərlə video-konfrans formatında müşavirə keçirib.

«Karantin rejimi və sanitar-epidemioloji vəziyyətə uyğun olaraq mümkün yumşaldılmalar zamanı sərnişindaşımaların təşkilinə həsr olunan toplantıda görülən işlər, çatışmazlıqlar və onların həllinə dair məsələlər müzakirə olunub»-deyə BNA-dan bildirilib.

Əsas diqqət günün pik saatlarında müəyyən istiqamətlər üzrə avtobuslarda müşahidə olunan sərnişin sıxlıqlarına yönəldilib. Vuruğulanıb ki, pandemiya dövründə avtobus sayının düzgün tənzimlənməsinə dair tapşırıqlar verilsə də, bəzi daşıyıcılar fəaliyyətilərində məsuliyyətsizliyə yol verirlər. Bəzi daşıyıcılar daha çox mənfəət əldə etmək üçün məqsədli şəkildə avtobusların sayını azaldıb. Nəticədə daha çox “Koroğlu” Nəqliyyat Mübadilə Mərkəzi və “20 Yanvar” dairəsi istiqamətində ətraf kənd və qəsəbələrdən hərəkət edən avtobuslarda sərnişin sıxlığı müşahidə olunub.

«Bu kimi hallar vətəndaşlar arasında narahatlıq yaratmaqla yanaşı, dövlətin sərnişindaşıma sahəsində həyata keçirdiyi tədbirlərə də xələl gətirir. Bunun yolverilməz olduğu qeyd edilərək problemlərin qısa vaxtda həllinə dair daşıyıcılara növbəti dəfə xəbərdarlıq olunub».

Toplantıda sərnişin tələbatı nəzərə alınmaqla hər bir xətt üzrə avtobus sayı müəyyən edilib və təmin edilməsi üçün tapşırıq verilib. Bildirilib ki, xəttə müəyyən olunan saydan az avtobusun çıxaran daşıyıcıya qarşı qanunvericiliyə uyğun ən sərt tədbirin görüləcək.  «Avtobus sayının qəsdən azaldılması və ya sərnişin sıxlığına səbəb olan digər hallar müəyyən edilərsə bu həmçinin karantin rejimi qaydalarının pozulması kimi qiymətləndiriləcək və araşdırılması üçün hüquq-mühafizə orqanlarına müraciət olunacaq».

Digər xəbərlər