Sənaye

Azərbaycandakı maska müəssisəsi - NƏ VAXT AÇILACAQ?

Azərbaycandakı maska müəssisəsi - NƏ VAXT AÇILACAQ? | FED.az
09:28 31 Mart 2020

“Ölkədə maska qıtlığı məsələsi var. Ancaq bu o demək deyil ki, ölkədə maska yoxdur”.

Eləcə də bax: Maska, xalat, sprey, gel istehsalı başlayır - NAZİRDƏN AÇIQLAMA

FED.az xəbər verir ki, bunu Nazirlər Kabinetinin mətbuat xidmətinin rəhbəri İbrahim Məmmədov AzTV-yə ölkədə maska istehsal edən zavodun nə zaman işə başlayacağı ilə bağlı suala cavab olaraq bildirib. İ. Məmmədov əvvəlcə qeyd edib ki, ölkədə maskalar ilk növbədə, həyati əhəmiyyətli obyektlərə, təhlükəzisliyimizi təmin edən həkimlərə, xəstələrə, polislərə, gömrük işçilərinə paylanılır: 

“Üstəgəl, apteklərə də bəlli sayda verilir. Müəssisənin fəaliyyətinə gəlincə isə, bu istehsal prosesidir. Avadanlıq quraşdırılır. İstehsal prosesinin bir gün tez, bir gün gec olması mümkündür. Amma müəssisənin işə başlaması ən yaxın gələcəkdə mümkün olacaq. Burada maksimal gündəlik istehsal həcmi 200 min maskadır. Bundan əlavə, antiseptik gellər və spirtlər də müxtəlif qablaşdırmalarda istehsal olunacaq. Ancaq  qeyd edim ki, bu istehsal prosesidir. Bunun  gününü, saatını dəqiq demək çətindir. Mühəndislər başa düşürlər ki, bunu dəqiqliklə demək olmur”.

Qafqazinfo

Digər xəbərlər

Banner