Sığorta

“Azsığorta” xərclərə qənaət edərək - MƏNFƏƏTİNİ 36% ARTIRIB

“Azsığorta” xərclərə qənaət edərək - MƏNFƏƏTİNİ 36% ARTIRIB | FED.az
14:25 6 Avq 2020

AZSIĞORTA 2020-ci ilin birinci yarımiliyi üzrə maliyyə nəticələrini açıqlayıb.

Eləcə də bax: “Azsığorta” şirkətinin 78 min manatdan çox - VERGİ BORCU VAR

Şirkətdən FED.az-a verilən məlumata əsasən, Pandemiyanın səbəb olduğu karantin tədbirlərinə baxmayaraq şirkətin maliyyə nəticələri müsbət dinamika ilə hərəkət etməkdədir.

Cari ilin ilk yarısında ölkədə pandemiya ilə bağlı məhdudiyyətlərin tətbiqi nəticəsində ümumi sığorta yığımları keçən ilin müvafiq dövrü ilə müqayisədə 10% azalaraq, 6,5 milyon AZN təşkil edib.  Bununla yanaşı, bu dövrdə sığorta hadisələrinə görə ödənişlər ötən ilin müvafiq dövründən 12% çox, yəni 2,7 milyon AZN olub. Ən iri ödəniş Daşınmaz əmlakın icbari sığortası üzrə olmaqla 330 min AZN olub.

Tətbiq edilmiş optimallaşdırılma tədbirlərinin  nəticəsi olaraq cari dövrün xərcləri keçən ilin analoji dövrünə nisbətən 26% azaldırılaraq 3,3 milyon AZN olub.

Nəticədə 2020-ci ilin birinci yarım ilində şirkətin xalis mənfəəti 1,24 milyon AZN təşkil etmişdir. Bu da 2019-cu ilin analoji göstəricisindən 36% çoxdur.

“AZSIĞORTA dövrün sonuna 20.3 milyon AZN nizamnamə kapıtalı ilə yüksək kapitallaşma mövqeyinə malikdir ki, bu da şirkətə öz öhdəliklərini uğurla yerinə yetirməyə və ödəmə qabiliyyətinə zəmanət verir”-deyə şirkətdən bildirilib.

AZSIĞORTA ölkədə beynəlxalq reytinqi olan sığorta şirkətidir. “Fitch Ratings” beynəlxalq reytinq agentliyi şirkətin maliyyə gücünü “B” səviyyəsində, proqnozunu isə Stabil olaraq təsdiq etmişdir.

Digər xəbərlər