Banner

Sığorta

"“Standard İnsurance"ın müştəriləri İcbari Sığorta Bürosuna - MÜRACİƏT ETMƏLİDİR"

"“Standard İnsurance"ın müştəriləri İcbari Sığorta Bürosuna - MÜRACİƏT ETMƏLİDİR" | FED.az
17:44 28 May 2020

“Mərkəzi Bankın İdarə Heyətinin qərarı ilə bağlanan “Standard İnsurance” sığorta şirkətinin müştəriləri yaranan bütün mübahisələrlə bağlı İcbari Sığorta Bürosuna (İSB) müraciət edə bilərlər”.

Eləcə də bax: «Standard Insurance»da sığortası olanlara - KİM ÖDƏNİŞ EDƏCƏK? – RƏSMİ AÇIQLAMA

FED.az xəbər verir ki, bunu AzTV-nin efirində yayımlanan "İqtisadiyyat xəbərləri" verilişində İcbari Sığorta Bürosunun icraçı direktoru Rəşad Əhmədov bildirib.

Onun sözlərinə görə, qanunvericiliyin tələbinə uyğun olaraq, Büroya üzv sığorta şirkətləri topladığı sığorta haqlarının 5%-ni İSB-yə təqvim haqqı olaraq ödəyirlər: “Toplanan vəsaitlər isə bu dövrdə baş verən hadisələr zamanı sığorta haqlarının ödənilməsinə yönəldilir”.

Məlumata görə, hazırda müxtəlif sığorta sahələri üzrə İcbari Sığorta Bürosuna 15 sığorta şirkəti üzv olub.

Qeyd edək ki, Azərbaycan Respublikasnın Mərkəzi Bankının İdarə Heyətinin 19 may 2020-ci il tarixli müvafiq qərarı ilə ASC “Standard Insurance” sığorta şirkəti kapitalını tam itirdiyinə, cari fəaliyyətini etibarlı qaydada həyata keçirmədiyinə və istehlakçılarının hüquqlarının pozulmasına yol verdiyinə görə “Sığorta fəaliyyəti haqqında” Qanunun 107.1.4-cü, 109.1.2-ci, 118.1.1-ci və 118.1.2-ci maddələrinə əsasən sığorta fəaliyyətinin həyata keçirilməsi üçün verilmiş lisenziya ləğv edilib.

Report

Digər xəbərlər

Banner