Sosial

Bitki spred yağı - "KƏRƏ YAĞI" ADI ALTINDA SATILIB

Bitki spred yağı - "KƏRƏ YAĞI" ADI ALTINDA SATILIB | FED.az
19:06 13 Dek 2019
“Kərə yağı” adı altında satılan spred yağı aşkarlanıb.

Daxil olan məlumat əsasında Azərbaycan Respublikasının Qida Təhlükəsizliyi Agentliyi (AQTA)  əməkdaşları Bakı şəhəri, Yasamal rayonu, Şərifzadə küçəsi 154 A ünvanında fəaliyyət göstərən supermarketdə yoxlama keçiriblər.

Eləcə də bax: Bərdədə murdar şəraitdə - PENDİR BURAXAN SEX TAPILIB

AQTA-dan FED.az-a daxil olmuş məlumatda bildirilir ki, yoxlama zamanı soyuducu vitrində olan “Uzun Ömür” əmtəə nişanlı “İvanovka” yağ məhsulunun etiket məlumatında bitki spred yağı yazılmasına baxmayaraq satış vitrinində “kərə yağı” adı altında satışının həyata keçirildiyi və kassa çekində də faktın öz təsdiqini tapdığı müəyyən edilib.

Faktla bağlı inzibati protokol tərtib olunub, qanunvericilik çərçivəsində müvafiq tədbirlər görülüb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısının alınması istiqamətində daim ən sərt tədbirlər həyata keçirəcəkdir.

 
 

Digər xəbərlər

Banner