Banner

Sosial

Daha 20 min işsiz üçün birdəfəlik ödəniş - HƏYATA KEÇİRİLDİ

Daha 20 min işsiz üçün birdəfəlik ödəniş - HƏYATA KEÇİRİLDİ | FED.az
08:34 13 Aprel 2020

İşsiz kimi qeydiyyata alınan şəxslərdən daha 20 min şəxsin birdəfəlik ödəmə ilə təmin olunması üçün vəsait bank filiallarına və poçt şöbələrinə köçürülüb.

FED.az xəbər verir ki, bunu Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Fazil Talıbov bildirib.

Eləcə də bax: Daha 15 min nəfər 190 manat ödəniş aldı – NAZİRLİKDƏN AÇIQLAMA

F.Talıbov qeyd edib ki, onların müraciət edərkən qeyd etdikləri telefon nömrəsinə bu barədə SMS göndəriləcək:

"Mesajı aldıqdan sonra evdən çıxmaq üçün müvafiq qaydada icazə alaraq, SMS-də “Azərpoçt” MMC qeyd edildiyi halda - istənilən poçt şöbəsinə, bank göstərildiyi halda isə - həmin bankın istənilən filialına şəxsiyyət vəsiqəsi ilə müraciət edib vəsaitlərini ala bilərlər".

Onun sözlərinə görə, ödəmələrin verilməsi gündəlik davam edir:

"Aprelin 9-dan etibarən Əmək və Əhalinin Sosial Müdafiəsi Nazirliyi tərəfindən artıq 55 min işsiz üçün birdəfəlik ödənişin aidiyyəti üzrə köçürülməsi təmin edilib".

Digər xəbərlər

Banner