Banner

Tenderlər

Tenderlərə təzəcə başlayıb – ARTIQ 8 MİLYONLUQ MÜQAVİLƏSİ VAR

Tenderlərə təzəcə başlayıb – ARTIQ 8 MİLYONLUQ MÜQAVİLƏSİ VAR | FED.az
09:52 2 İyun 2020

Azərbaycanın dərman biznesində, xüsusilə də dərman alınması ilə bağlı dövlət tenderlərində yeni oyunçu var.

Eləcə də bax: Dövlət qurumu dərman və sarğı ləvazimatları üçün - TENDER ELAN EDİR

FED.az xəbər verir ki, Milli Onkologiya Mərkəzi dərman, sarğı ləvazimatıarının və materiallarının alınması öarədə tenderin nəticələrini açıqlayıb. Tenderin qalibi «Solamedical» MMC olub. İyunun 1-də bu şirkətlə 5,8 milyon manatlıq müqavilə bağlanılıb.

Xatırladaq ki, cəmi bir ay əvvəl «Solamedical» MMC daha bir böyük dövlət tenderini qazanıb. Şirkət Ədliyyə Nazirliyi Tibbi Baş idarəsinin elan etdiyi Dərman preparatlarının və sarğı materiallarının satın alınması üzrə 2 milyon manatlıq tenderin qalibi olub. Aprelin 28-də onunla 2 milyon 90 min manatlıq müqavilə bağlanılıb.

Başqa sözlə, adı çəkilən şirkət son bir ayda üst-üstə 8 milyon manatlıq tender qazanıb.

Qeyd edək ki, «Solamedical” MMC cəmi 6 ay əvvəl yaradılıb.

Bakının Nizami rayonu, Heydər Əliyev Prospekti, ev 115-də qeydiyyatdan keçən şirkətin nizamnamə kapitalı 200 manat, qanuni təmsilçisi Novruzova Şəhla Mustafa qızıdır. 

Digər xəbərlər

Banner