Turizm

Azərbaycanın turizm brendi Londonda - MÜKAFATLANDIRILIB

Azərbaycanın turizm brendi Londonda - MÜKAFATLANDIRILIB | FED.az
14:54 8 Noy 2019

Azərbaycanın “Bir daha bax” (“Take another look”) şüarına əsaslanan turizm brendi Londonda turizm üzrə keçirilən “City Nation Place Global” (“Şəhər Millət Məkan Qlobal”) forumunda mükafata layiq görülüb.

FED.az xəbər verir ki, Dövlət Turizm Agentliyindən verilən məlumata görə, müxtəlif regionlardan olan 24 nominant ölkə arasında 5 kateqoriya üzrə keçirilən müsabiqədə Azərbaycanın ölkə turizm brendi “Dizaynın ən yaxşı istifadəsi” nominasiyası üzrə qalib olub.

Eləcə də bax: Azərbaycanda turizm şirkətlərinin - GƏLİRLƏRİ ÇOXALIB

Müsabiqənin nəticələri Böyük Britaniyanın “City Nation Place” (“Şəhər Millət Məkan”) adlı tədbirlər və marketing üzrə ixtisaslaşmış nüfuzlu təşkilatı tərəfindən hər il “Dünya Səyahət Bazarı” sərgisi ərəfəsində keçirilən qlobal forumda elan olunub. Artıq 5-ci ildir ki, forum dayanıqlı turizmi inkişaf etdirmək, turizmə investisiysa qoyuluşlarını stimullaşdırmaq və daha çox insanı bu prosesə cəlb etmək məqsədi ilə dünya turizm sənayesinin iştirakçılarını bir araya toplayır.

Xatırladaq ki, müxtəlif ölkə və regionların brend, marketing, kommunikasiya üzrə turizm məhsulları arasında keçirilən müsabiqədə “Dizaynın ən yaxşı istifadəsi” nominasiyası məkanın brend startegiyasının araşdırılması, kreativ yanaşma, hədəf auditoriya ilə iş və s. kimi xüsusiyyətlər nəzərə alınaraq verilir.

Apa

Digər xəbərlər